Polazak iz Igala u 8:30 (jutarnja tura), odnosno u 14:00 (popodnevna tura).

Vožnja Jadranskom magistralom preko graničnog prelaza Debeli brijeg, pored Cavtata i potom, iza krivine, veličanstveni pogled na grad kamene čipke, za kojim je uzdisala princeza Dajana – Dubrovnik, “Biser Jadrana” (The Pearl of the Adriatic).

Očekivano vrijeme trajanja putovanja do glavnih gradskih vrata je 1:15 minuta.

Pred vama je narednih 5 časova slobodnog vremena

Nekad velika sila Mediterana, slobodno grad-država, koji je svoj vrhunac dostigao u 15 i 16 vijeku ima šta da pokaže. Gradske zidine duge 2 kilometra, sa nizom tornjeva i tvrdjava, Lovrijenac i Revelin, Stradun, centralna ulica koja spaja vrata Ploče na istoku i vrata Pile na zapadu grada. Barokna Katedrala sa Ticijanovim slikama, palača Sponza i niz drugih gotskih, renesansnih i baroknih crkava, manastira , palata i fontana.

Polazak u 15:00 časova (jutarnja tura) od  glavnih gradskih vrata odnosno u 21:00 (popodnevna tura) , zatim, na vidikovcu iznad Dubrovnika foto pauza -slike za budućnost, za sebe, za porodicu, za prijatelje.